"iPhone 8 පරාජය කරන්න අපිට පුලුවන්'' Huawei සමාගමෙන් රතු එලියක්

ඇපල් සමාගමේ මීලඟ නවතම දුරකතනය වන iPhone X එසේත් නැතිනම් අපි හැමෝම දන්න iPhone 8 දුරකතනය මේ මස 12 වනදා නිල වශයෙන් නිකුත් කරන බවට ඇපල් සමාගම ප්‍රකාශ කරනු ලැබුවා. එම පුවතත් සමඟ ඇති වූ ආන්දෝලනාත්මක පුවත් අතරේ ඉතා සුවිශේෂී වූ පුවතක් iPhone SL අපට අද වාර්තා වුනා.

මෙම පුවත නම්, Huawei සමාඟම විසින් ඇපල් සමාගමේ මීලඟ අයිෆෝනය වන iPhone X (iPhone 8) දුරකතනයට වඩා සෑම අතින්ම වේගවත් දුරකතනයක් ඔවුන් විසින් ඔක්තෝබර් මස 16 වනදා එලි දැක්වීමට නියමිත බවයි. Huawei Mate 10 හා Huawei Mate 10Pro නමින් දුරකතන දෙකක් ඔවුන් එලි දැක්වීමට සූදානමින් සිටින අතර හා එම දුරකතන දෙකටම iPhone 8 පරාජය කිරීමට හැකි බවද Huawei සමාඟම තරයේ මාධ්‍ය වෙත ප්‍රකාශ කර තිබෙනවා.

ඔවුන් වැඩි දුරටත් පවසන අන්දමට මෙසේ අභියෝගාත්මක ප්‍රකාශයක් කිරීමට මූලිකම වී තිබෙන්නෙ Huawei Mate 10 හා Mate 10Pro දුරකතන දෙකට අන්තර්ගත 'The Kirin 970' වර්ගයේ 10nm චිපයකි. Huawei සමාගමේ අයිතිකරු 'Richard Yu' මහතා පවසන පරිදි අනෙකුත් ඇන්ඩ්‍රොයිඩ් ඩිවයිස් 2016 වසරේ ඇපල් සමාගම විසින් නිකුත් කල දුරකතනද පරාජය කිරීමට තවමත් අපොහොසත් වී සිටින අතර, මෙවර ඔවුන්ගේ ප්‍රධාන ඉලක්කය මෙම වසරේ නිකුත් වෙන iPhone 8 බවයි.

කෙසේ නමුත් පසුගිය වසරේ නිකුත් කල ඇපල් සමාගමේ අයිෆෝන් 7+ දුරකතනය තවමත් නවීන ඇන්ඩ්‍රොයිඩ් දුරකතන සමඟ කරට කර තරඟ වදින තත්වයකදී Huawei සමාගම විසින් තවමත් නිකුත් නොකල iPhone 8 දුරකතනය හට මෙසේ අභියෝග් කිරීම ආන්දෝලනාත්මක හාස්‍ය ගෙන දෙන්නක් වුවත්, Flagship දුරකතන වේදිකාවේ නැගී එන ඔවුන් කිසිසේත් අවතක්සේරු නොකල යුතුය.